DX, a un paso do posible

Por Daniel Chapela

 

A mestría e experiencia de Eli Ríos na poesía e na narrativa cristalizan nesta distopía que pode non chegar a ser un futuro hipotético, senón unha realidade que hoxe tentan invisibilizar as grandes corporacións excepto en pequenos resquicios que podemos chegar a albiscar. O caso dun xardineiro que denunciou a empresa Monsanto por un cancro terminal deu a volta ao mundo, amosando a realidade dunhas grandes empresas que xogan coa saúde e coa vida das persoas co único fin de engordar os seus petos e de subir nas cotizacións en bolsa. Disto que chega a arrepiar a esencia básica da civilización é do que fala a coruñesa en DX, dunha sociedade que no 2030 é vítima da megalomanía dun home, dunha persoa que desexa situarse na cúspide dunha nova pirámide social.

 

O corpo abanéalle en convulsións dolorosas. O shock deixa paso a unha agonía interminábel. Quizais a única persoa que podía considerar amiga nesta empresa, quizais a única persoa coa que non lle importaba mostrarse como realmente era. Sen disfraces. Sen frases feitas. 

A través de Andre e Morgan, dúas personaxes da novela carentes de sexo, a autora guíanos mediante unha pluma áxil e engaiolante polos feitos que acontecen dentro dunha compañía de cosmética após un descubrimento utilizado para abanear os piares da civilización. Dende dúas perspectivas, a dun narrador omnisciente e un protagonista, amósasenos a dúas persoas nun proceso de deconstrución causado polo risco dunha morte segura, mais sempre cun tratamento natural e sinxelo, con poucos adornos nin rimbombancias, tal e como fixera xa Ríos en Luns.

É por isto polo que a novela enfeitizará a toda persoa que se decida, por ter un estilo cotiá e veloz, que nos atrapa entre as follas dun libro que nós deixa coa cuestión vital de se esta distopía será ou non real.

Ficha técnica

capa-dx-1

Título: DX

Autora: Eli Ríos

Editorial: Urco

Ano de publicación: 2018

Número de páxinas: 166

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s

Blog de WordPress.com.

Subir ↑

A %d blogueros les gusta esto: