[…] seguen nos corenta longos anos das noites de pedra.

Levan toda a vida destruíndo, facendo cinza do que atopan por diante. Nunca souberon facer o ben, teñen o odio do pasado, non se adaptan á democracia nin a liberdade e seguen nos corenta longos anos das noites de pedra. Estoume a referir a aqueles que queimaron o Estaleiro de Casqueiro; os que o queimaron e máis os cómplices que lle axudan ideoloxicamente para levar a cabo semellante barbarie, entre eles, Portos, coas súas parvadas, e tamén Patrimonio, que sempre anda fodendo coa súa idea negativa segundo lles veña a eles en gaña, dependendo do pobo e de quen o goberne, co resultado de enfrontar todo máis que poidan ós veciños, dende fai moito tempo ou dende que existen.

Son estes os mesmos que o Prestige e os que non reparan as fachadas das igrexas; os que dan licencias de obras que logo hai que derribar; os que permiten parques industriais ilegais onde pasan regatos que logo enfrontan os veciños, e que sempre serán ilícitos; en definitiva, os que non quixeron que no Morrazo houbese unha recollida de lixo selectivo, deixando que podrecese a maquinaria sen que houbese reciclado nin compost. Queren que non haxa nada, queren deixar todo reducido en cinzas e cando non poden coa razón, empregan o lume. Pero no de Casqueiro xa borda por todo. Hai que seguir tentando reparalo da mesma forma na que estaba pensado, que todo volva ó seu lugar, e que se manteña a idea de facelo museo, que necesitamos memoria que isto sempre será histórica.

Un saúdo ás xentes de bo facer de Moaña, e sobre todo a súa alcaldesa, Leticia.

Recibide unha forte aperta de este de terra dentro.

 

                                      Seso Portela

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Blog en WordPress.com.

Subir ↑

%d bloggers like this: